ᐃᓕᖅᑯᓯᖅᓱᙱᑦᑐᑦ ᐋᓐᓂᐊᖅᑐᑦ ᐊᒻᒪᓗ ᐋᓐᓂᐊᖅᑕᐃᓕᒪᓂᖅ ᓄᓇᕗᒻᒥ, ᑲᓇᑕ

2013-ᒥ, 45 ᐃᒻᒥᓃᓚᐅᖅᑐᑦ (ᐊᒥᓲᓗᐊᕐᓂᖅᓴᑦ ᐊᖑᑎᑦ ᒪᒃᑯᒃᑐᑦ) ᓄᓇᕗᒻᒥ, ᑲᓇᑕ – ᐅᑭᐅᖑᔪᒥ ᐊᒥᓲᓂᖅᐹᖅ ᓄᓇᕗᑖᖅᓯᒪᓕᖅᑎᓪᓗᒋᑦ 1999-ᒥ. ᑐᖁᕙᒃᑯᑦ ᐅᓄᕐᓂᖏᑦ ᐊᔾᔨᒌᙱᖃᑦᑕᕐᓂᖏᑦ ᐅᑭᐅᖃᕐᓂᖏᑕ ᖃᐅᔨᖅᑕᐅᒑᖓᑕ, ᐃᒻᒥᓃᖅᑐᑦ ᖃᐅᔨᔭᐅᕙᒃᑐᑦ ᐊᑕᐅᓯᕐᒥᒃ ᐊᕐᕕᓂᓐᓂᑦ ᐃᓅᔪᓐᓃᖅᑐᖃᖅᑐᖅ ᓄᓇᕗᒻᒥ. ᑕᑯᔅᓴᐅᓂᖓ ᐃᓱᒪᒋᔭᐅᔫᑉ, ᓄᓇᕗᑦ ᑐᒡᓕᒋᔭᐅᓇᔭᙳᐊᖅᑐᖅ ᐊᖏᓂᖅᐹᖅ ᐃᓅᔪᓐᓃᖃᑦᑕᖅᑐᑦ ᓯᓚᕐᔪᐊᒥ ᓇᒻᒥᓂᒃᑯᑦ ᓄᓇᒋᔭᐅᓐᓂᖅᐸᑦ.

ᐱᔾᔪᑎᔅᓴᑦ ᐅᕝᕙᓘᓐᓃᑦ ᐱᓕᕆᐊᔅᓴᐃᑦ ᓱᕚᓪᓕᕋᔭᖅᑐᑦ ᐊᒻᒪᓗ ᐱᐅᓂᒃᑯᑦ ᑎᓕᐅᕆᔪᓐᓇᕐᓂᖅ ᐃᓄᐃᑦ ᐃᓕᖅᑯᓯᖅᓱᙱᑦᑐᑦ ᐋᓐᓂᐊᖅᑐᑦ ᐊᒻᒪᓗ ᐋᓐᓂᐊᕈᓐᓃᒃᓂᖅ – ᐊᓯᙳᕐᓗᒍ ᐃᓅᔪᓐᓃᖃᑦᑕᖅᑐᑦ – ᑕᒪᓐᓇ ᑐᑭᓯᔭᐅᑦᑎᐊᙱᑦᑐᖅ. ᓄᓇᕗᑦ ᐃᑲᔪᖅᑕᐅᑦᑎᐊᖅᓯᒪᙱᑦᑐᑦ ᐃᓕᖅᑯᓯᖅᓱᙱᑦᑐᒃᑯᑦ ᐋᓐᓂᐊᖅᑕᐃᓕᒪᓂᖅ ᐊᒻᒪᓗ ᓄᓇᒋᔭᐅᔫᑉ ᐋᓐᓂᐊᖅᑕᐃᓕᒪᓂᕐᒧᑦ.

ᐃᓴᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ, ᖃᓪᓗᓈᑎᑐᑦ Embrace Life Council, ᑮᓇᐅᔭᓕᐅᙱᑦᑐᒃᑯᑦ ᐃᓅᔪᓐᓃᖅᑕᐃᓕᒪᑎᑦᑎᔩᑦ ᑲᑐᔾᔨᖃᑎᒌᑦ ᐃᖃᓗᓐᓂ, ᓄᓇᕗᑦ. ᔭᓄᐊᕆ 2004-ᖑᑎᓪᓗᒍ, ᐃᑲᔪᖅᑕᐅᓪᓗᑎᒃ ᓄᓇᕗᑦ ᒐᕙᒪᒃᑯᓐᓄᑦ, ᓄᓇᕗᑦ ᑐᙵᕕᒃᑯᑦ, ᐊᒻᒪᓗ ᐳᑭᖅᑕᓖᑦ, ᐃᓴᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ ᐱᕙᓪᓕᐊᓕᓚᐅᖅᑐᖅ. ᑲᑎᒪᔨᖃᖅᑐᑎᒃ ᐊᒻᒪᓗ ᐱᕙᓪᓕᐊᓪᓗᑎᒃ ᓄᓇᒋᔭᐅᔪᒥ, ᑲᑎᒪᔩᑦ ᖃᐅᔨᓴᓚᐅᖅᑐᑦ ᐱᐅᓂᖅᐹᒃᑯᑦ ᐱᔪᓐᓇᕐᓂᖅ ᐊᒻᒪᓗ ᐱᔾᔪᑎᔅᓴᐃᑦ ᑐᓂᔭᐅᓚᐅᖅᑐᑦ ᓄᓇᕗᑦ ᐃᓕᖅᑯᓯᖅᓱᙱᑦᑐᓕᕆᔨᒃᑯᓐᓄᑦ.

ᑭᖑᓪᓕᕐᒥ, ᑲᑎᒪᔩᑦ-ᐊᖏᓚᐅᖅᑐᑦ ᐃᑲᔪᖅᑎᒋᔭᐅᓗᑎᒃ ᐃᓴᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᒃᑯᓐᓄᑦ, ᐊᒻᒪᓗ ᐊᓯᖏᑦ ᓄᓇᓖᑦ ᐊᐅᓚᑦᑎᔨᖏᑦ, ᑕᒪᓐᓇ ᖃᐅᔨᓴᕐᓂᖅ ᑐᕌᖅᑐᖅ ᖃᐅᔨᓴᕐᓂᖅ ᓄᓇᕗᒻᒥ ᓄᓇᒋᔭᐅᔪᑦ ᐃᓕᓯᒪᓐᓂᖏᑦ ᐃᓕᖅᑯᓯᖅᓱᖅᑐᓂᒃ ᐊᒻᒪᓗ ᐋᓐᓂᐊᖅᑕᐃᓕᒪᓂᖅ ᐊᑐᖃᑦᑕᕐᓂᖏᑦ ᐃᓕᖅᑯᓯᖅᓱᖅᑐᓂᒃ ᐋᓐᓂᐊᖅᑕᐃᓕᒪᓂᖅ ᐃᑲᔪᖅᑕᐅᓂᖅ ᐊᐅᓚᑕᐅᔪᑦ ᐱᖓᓱᓐᓂ ᓄᓇᒋᔭᐅᔪᑦ ᐊᖏᓂᖅᐹᑦ ᐃᓅᔪᓐᓂᖃᑦᑕᖅᑐᑦ ᐅᓄᕐᓂᖏᑦ: ᐃᖃᓗᐃᑦ, ᑲᖏᖅᖠᓂᖅ, ᐊᒻᒪᓗ ᒥᑦᑎᒪᑕᓕᒃ. ᑕᒪᓐᓇ ᖃᐅᔨᓴᖅᑕᐅᕙᓪᓕᐊᓂᐊᖅᑐᖅ ᔪᓚᐃ ᐊᒻᒪᓗ ᐅᒡᒍᓯ 2015-ᒥ.

ᐱᓕᕆᐊᔅᓴᖅ ᐊᔾᔨᒌᙱᑦᑐᓂᒃ ᐃᖅᑲᓇᐃᔮᓕᒃ, ᒪᕐᕉᓐᓂᒃ ᐃᓚᒋᔭᖃᖅᑐᖅ ᐃᓚᒋᔭᐅᓂᐊᖅᑐᓂᒃ (ᐊᒥᓲᓂᖅᓴᐅᓇᔭᖅᑐᑦ ᒪᒃᑯᒃᑐᑦ ᐃᓄᐃᑦ): (1) ᐊᒥᓱᓂᒃ ᐃᓄᓐᓂᒃ ᐊᐱᖅᓱᕐᓂᖅ ᐊᒻᒪᓗ (2) ᐊᒥᓱᓂᒃ ᐃᒻᒥᒃᑯᑦ ᐊᐱᖅᓱᖅᑕᐅᓗᑎᒃ. ᐃᓚᒋᔭᐅᔪᑦ ᐅᖃᐅᓯᖃᖅᑐᑦ ᐃᓕᓐᓂᑯᖏᓐᓂᒃ ᐊᖏᔪᒥᒃ ᐃᑲᔫᑎᖃᕐᓂᐊᖅᑐᑦ ᑐᑭᓯᐊᔾᔪᑎᓂᒃ ᖃᓄᒻᒪᕆᒃ ᓄᓇᕗᑦ ᐃᓗᐊᓂ ᐱᕙᓪᓕᐊᓂᖏᓐᓂᒃ, ᑕᑯᑎᑦᑎᒃᑲᓐᓂᕐᓂᖅ, ᐊᒻᒪᓗ ᐃᓅᑦᑎᐊᕐᓂᖅ ᐃᓕᖅᑯᓯᖅᓱᙱᑦᑐᑦ ᐋᓐᓂᐊᖅᑐᑦ ᐊᒻᒪᓗ ᐋᓐᓂᐊᖅᑕᐃᓕᒪᓂᖅ ᓯᕗᓂᕐᒧᑦ. ᑖᒃᑯᐊᒃ ᒪᕐᕉᒃ ᖃᐅᔨᓴᕐᓂᖅ ᐱᔪᓐᓇᐅᑎᖃᖅᑐᖅ ᓄᓇᒋᔭᐅᔪᒥ ᐃᓕᓯᒪᓂᖏᓐᓂᒃ ᐃᓕᖅᑯᓯᖅᓱᙱᑦᑐᑦ ᐋᓐᓂᐊᖅᑐᑦ,  ᐋᓐᓂᐊᖅᑕᐃᓕᒪᓂᕐᒧᑦ,  ᐊᒻᒪᓗ ᐱᔪᒪᔭᖏᑦ, ᐱᕙᓪᓕᐊᔪᓐᓇᖅᑐᓂᒃ ᐊᒻᒪᓗ/ᐅᕝᕙᓘᓐᓃᑦ ᐃᑉᐱᓐᓇᖅᑐᒃᑯᑦ ᐱᔾᔪᑎᔅᓴᓂᒃ ᐃᑲᔪᖅᑕᐅᔪᓐᓇᕐᓂᕐᒧᑦ.

ᐃᓚᒋᔭᐅᔪᑦ ᖃᐅᔨᒪᔭᐅᙱᑦᑐᑦ ᐅᖃᐅᓯᖏᑦ ᐃᑲᔫᑎᖃᕐᓂᐊᖅᑐᑦ ᑲᑎᒪᔨᓄᑦ ᐊᒻᒪᓗ ᑭᒃᑯᑐᐃᓐᓇᕐᓄᑦ ᐋᓐᓂᐊᖅᑕᐃᓕᒪᓕᕆᔨᒃᑯᓐᓄᑦ ᐊᐅᓚᑎᔨᖏᑦ ᐊᖏᔪᒥᒃ ᑭᐅᔾᔪᑕᐅᔪᓂᒃ ᐊᐱᖅᓲᑎᓄᑦ ᐃᓕᖅᑯᓯᖅᓱᙱᑦᑐᑦ ᐋᓐᓂᐊᖅᑐᓄᑦ ᐊᒻᒪᓗ ᐋᓐᓂᐊᖅᑕᐅᓕᒪᓂᖅ ᓄᓇᕗᒻᒥ. ᐱᕙᓪᓕᐊᔪᑦ ᐊᒻᒪᓗ ᓇᓗᓇᐃᔭᐃᓂᖅ, ᖃᐅᔨᓴᕐᓂᕐᒧᑦ ᖃᓄᐃᓐᓂᖏᑦ, ᐊᒻᒪᓗ ᐊᓯᖏᑦ ᐱᔨᑦᑎᕋᐅᑏᑦ ᐅᖃᐅᓯᐅᓂᐊᖅᑐᑦ ᑐᑭᓯᓇᖅᑐᒃᑯᑦ ᑲᑎᒪᔨᓂᑦ; ᐅᓂᒃᑳᑦ ᑐᓂᔭᐅᓂᐊᖅᑐᑦ ᓄᓇᒋᔭᐅᔪᒥ ᑲᑐᔾᔨᖃᑎᒌᒃᑯᖏᓐᓄᑦ ᐊᒻᒪᓗ ᑭᒃᑯᑐᐃᓐᓇᕐᓄᑦ ᑐᑭᓯᔾᔪᑕᐅᓗᑎᒃ, ᐅᖃᐅᓯᐅᓕᖓᔪᒥᒃ ᑐᑭᓘᑎᓂᒃ ᐃᓕᖅᑯᓯᖅᓱᙱᑦᑐᑦ ᐋᓐᓂᐊᖅᑐᓂᒃ ᐱᔨᑦᑎᕋᐅᑎᓂᒃ ᓄᓇᕗᒻᒥ.

ᖃᐅᔨᒃᑲᐃᓂᖅ ᐊᒻᒪᓗ ᑐᓂᔾᔪᓯᐊᖑᔪᓂᒃ ᓄᓇᓕᐅᑉ ᐅᖃᐅᓯᕆᔭᖏᓐᓂᒃ, ᑲᑎᒪᔩᑦ ᐊᒻᒪᓗ ᓄᓇᒋᔭᐅᔫᑉ ᑲᑐᔾᔨᖃᑎᒌᑎᑦ ᐊᑐᕈᓐᓇᕐᓂᐊᖅᑐᑦ ᐅᓂᒃᑳᖅᓯᒪᔪᓂᒃ ᖃᐅᔨᓵᓂᒃᓯᒪᓕᖅᐸᑕ ᐊᑑᑎᖃᕐᓗᑎᒃ ᐱᕙᓪᓕᐊᔪᓐᓇᐅᑎᓂᒃ ᐋᓐᓂᐊᖅᑕᐃᓕᒪᓂᕐᒧᑦ ᐊᑐᐊᒐᖏᓐᓂᒃ, ᐱᐅᓂᖅᓴᒥᒃ ᐃᓕᖅᑯᓯᖅᓱᙱᑦᑐᑦ ᐋᓐᓂᐊᖅᑐᓂᒃ ᐱᔨᑦᑎᕋᐅᑎᔅᓴᓂᒃ, ᐊᒻᒪᓗ ᐱᕙᓪᓕᐊᔪᒃᑯᑦ ᐅᖃᐅᓯᖃᕈᓐᓇᕐᓂᖅ ᐋᓐᓂᐊᖅᑕᐃᓕᒪᓂᕐᒧᑦ ᐱᔾᔪᑎᔅᓴᓂᒃ ᐱᕙᓪᓕᐊᓂᖅ ᓄᓇᕗᒻᒥ. ᖃᐅᔨᒪᔭᐅᕙᓪᓕᐊᖁᓪᓗᒍ ᓂᕈᐊᖅᑕᐅᓯᒪᔪᒃᑯᑦ ᐱᔪᒪᔭᖏᑦ ᐃᓕᖅᑯᓯᖅᓱᙱᑦᑐᑦ ᐋᓐᓂᐊᖅᑐᓂᒃ ᐋᓐᓂᐊᖅᓯᐅᕐᓂᓕᕆᓂᖅ ᐊᒻᒪᓗ ᐅᑉᐱᕆᔭᐅᔪᑦ ᐱᖓᓱᓂᑦ ᐃᓄᐃᑦ ᓄᓇᒋᔭᐅᔪᓂᑦ, ᐊᖓᔪᖅᑳᖑᑕᐅᔪᑦ ᓄᓇᒋᔭᐅᔪᒥ, ᓄᓇᕗᒻᒥ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᖁᑦᑎᓐᓂᖏᓐᓂᑦ ᐱᕚᓪᓕᐊᖁᓪᓗᒋᑦ ᐱᐅᓂᖅᐹᒥᒃ ᐱᖅᑯᒥᓇᖅᑐᒃᑯᑦ ᐊᒻᒪᓗ ᐱᔪᒪᔭᖏᓐᓂᒃ. ᑐᓵᓗᒋᑦ ᐊᒻᒪᓗ ᐃᑲᔪᖅᑕᐅᓗᑎᒃ ᓂᐱᒃᑯᑦ ᐃᓄᓐᓂᑦ, ᑕᒪᓐᓇ ᐱᓕᕆᐊᔅᓴᖅ ᑐᓵᕐᕉᕐᓇᖅᑐᖅ ᑲᑎᒪᔩᑦ 11-ᓂᒃ ᐅᑭᐅᓂᒃ ᐱᒡᒍᔪᒥᒃ ᑐᕌᖅᑕᖏᑦ: “ᐃᑲᔪᕐᓗᑎᒃ ᐊᒻᒪᓗ ᐱᑦᑕᐅᒋᔭᐅᓂᖅ ᓄᓇᕗᒻᒥᐅᑕᓂᒃ ᐃᓅᓯᖃᑦᑎᐊᖁᓪᓗᒋᑦ.”